“Evdə Tək Başına” filmi haqqında bilmədiyiniz maraqlı məlumatlar

5748

“Evdə Tək Başına” filmini aramızda izləməyən çox güman ki, yoxdur. Hər yeni il ərəfəsində televiziyaların yayımladığı bu filmi qəribədir ki, hər il olduğu kimi çılğın formada yenidən izləyirik. Çoxmu bekarıq?

Filmin mövzusu adına uyğun olaraq bir uşağın evdə tək başına qalmasıdır. Ailəsinin öz uşaqlarını unudaraq tətilə çıxması və yeni il ərəfəsində uşağın evi oğrulardan qoruması filmin əsas mövzusudur.

İllər boyu təkrar-təkrar izlənilməsinə baxmayaraq film haqqında bilmədiyimiz bir çox maraqlı hadisələr var. Film haqqında bilmədiklərinizi təqdim edirik:

Filmdə Kevinin hisslərinin daha aydın görünməsi üçün, Joe Pesci (Harry) Kevin rolunu oynayan Macaulay Culkinə çəkiliş zamanı qorxu dolu anlar yaşatmışdı.

63326

Harry bu işi bir az ciddiyə almış və hətta Kevinin yaralanmasına da səbəb olmuşdu. Harry “Bu kiçik barmaqlarının hamısını tək-tək dişləyəcəyəm” demiş və həqiqətən də dediyini eliyən Harry, Kevinin barmağını qanatmışdı. Kevin rolunu oynayan Macaulay Culkinin əlində hələ də o kiçik iz qalıb.

Kevinin oğruları qorxutmaq üçün televizorda baxdığı film, “Evdə Tək Başına” filmi üçün özəl olaraq çəkilmişdir

63327

“Angels With Filthy Souls” filmi gerçək bir film deyildi. Sadəcə “Evdə Tək Başına” üçün özəl olaraq çəkilmiş qısa bir qanqster filmi idi.
Daniel Sterninin üzündəki hörümçək həqiqi bir hörümçək idi

63328

Marv adlı oğrunun üzərində hörümçək gəzməsi səhnəsini yəqin ki, hamınız xatırlayırsınız. Həmin anlar gerçək idi. Real olmayan yalnız qışqırıq səsləri idi. Stern çəkiliş zamanı hörümçəyi qıcıqlandırmamaq üçün sadəcə səssiz reaksiyalar vermişdi. Səs effektləri isə filmə sonradan əlavə edilmişdi.

Harry rolu üçün Joe Pescidən əvvəl Robert De Niroya bu rolu oynamaq təklif edilmişdi

63329

Lakin Robert De Niro bu rolu oynamaq istəmədiyini bildirmişdi.
Şəkildə gördüyünüz “The Talkboy” adlı səsyazan cihaz, əslində film nümayiş edilən zaman satışda olmayıb. Həmin cihaz sadəcə film üçün xüsusi olaraq hazırlanmışdı. Filmi izləyən minlərlə insan həmin cihazı almaq istəsə də bir müddət bu mümkün olmamışdı63330

Bir neçə il sonra isə həmin cihaz satışa çıxdı. Hətta cihaz o qədər çox satıldı ki, şirkət cihazı yenidən dizayn edərək fərqli formada satışa çıxartdı. Yeni dizayn edilmiş ikinci cihazın adı “TalkGirl” idi. Mağazalarda daha çox çəhrayı rəngli “TalkGirl”cihazı satılırdı. Çəhrayı rəngli səsyazan cihazları qızlar daha çox alırdı.

Filmdə Kevinin ailəsinin yaşadığı ev 2011-ci ildə 2.4 milyon dollara satıldı

63336

Məşhur evi alan şəxs, bir müddət sonra peşman olmuş və evi yenidən başqa birinə 1.585 milyon dollara satmışdı. Ev hal-hazırda turistlərin maraq göstərdiyi yerlərdən biridir.

ABŞ-ın yeni seçilmiş prezidentinin rol aldığı film

İş adamı olan Tramp əslində çox insanın baxdığı bir filmdə çox kiçik bir rolu oynayıb.
Bu film məşhur “Evdə Tək Başına” (“Home Alone 2”) filmidir. 1992-ci il istehsalı olan bu filmdə ABŞ-ın 45-ci prezidenti 15 saniyəlik bir rolu oynayır. Məşhur otellərdən birinə girən filmin qəhrəmanı Kevin, qarşısına çıxan ilk şəxsdən resepşnın yerini soruşur. Həmin şəxs isə Kevinə irəliyə və sola getməyi məsləhət görür. 15 saniyəlik bu rolun ifaçısı iş adamı Donald Tramp idi.
Bir də onu da qeyd edim ki, film 26 il əvvəl çəkilib. 

 

Cavid Qurbanov | alberteyniseydi.com

Paylaş, dostum